Victoria i fahnak a ingmi caah riantuan piaknak – Hakha Chin

Nangmah le na innchungkhar caah Victoria Acozah i Fahnak A Ingmi Bawmhhal khawhnak (Helpline) nih man lo in thawngthanhmi, ruahnak cheuhnak le bawmhnak a pek.

Fahnak A Ingmi nih Bawmhhal khawhnak (Helpline)

Awn caan: 8am-11pm, zarh khat ah ni 7
Chawn: 1800 819 817
Ca kua: 0427 767 891
Email kua: vsa@justice.vic.gov.au (External link)

Bawmhhal khawhnak (Helpline) kha chawn, ca kua asilole email kua:

  • sualnak kong palek sin ripawt ningcang hngalh dingah
  • nangmah an bawm khomi a dang riantuan piaknak kawl piak dingah
  • Victoria nih dinfelnak kong i rian a tuan ningcang kong hngalh dingah
  • biaceih zungah ah tehte na herh ahcun bawmhnak hmuh dingah
  • tangka khirhnak le phaisa lei bawmhnak caah soknak hmuh dingah – aa tlakmi na si ahcun
  • nangmah le na innchungkhar him tein an chia khotu hmuh dingah.

Atu lio ah thinphang dirhmun na si ahcun, Zero Pathum (000) ah palek chawn hna. Palek sakhaan zong ah na kal khawh.

Sining phun tampi in minung kan bawmh hna

Kum fatin, fahnak a ingmi minung tampi kumkhua lei, nulepa sinak lei le sining dirhmun lei aa dangmi kan bawmh hna.

Sualnak kha palek sin i ripawt tuah na duh lo hmanh ah kan in bawmh khawh

Sualnak kong palek sin phuan dingah aruang tha tampi an um. Na ripawt tuahmi kha biatak tein an in char piak lai i sualnak a tuahmi minung kha kawl khawh an izuam hna lai. An in runven khawh fawn lai.

Ripawt tuah dingah timhcia na si rih lo asilole palek sin ah chim dingin na thinphan ahcun, Bawmhhal khawhnak (Helpline) nih:

  • an in chawnh lai i na dirhmun kha an ifiang lai
  • sualnak kha ripawt tuah na duh lo hmanh ah, nangmah an bawmh khomi riantuan piaknak a kawl lai
  • na duh ahcun, palek sin i chimphuan dingah an bawmh lai.

Holhlettu na hmang kho

Na herh ahcun Bawmhhal khawhnak (Helpline) nih man lo in holhlettu an khaan piak lai. Nangmah caah holhlettu khaan piak dingin Bawmhhal khawhnak (Helpline) chawnh dingan minung pakhat khat na fial khawh fawn hna.

Holhlettu ngahnak dingah:

  1. bawmhhal khawhnak 1800 819 817 ah chawn
  2. na min, fon nambar le holh kha chim hna
  3. holhlettu nih an chawnh than lai.

Holhlettu nih an chawnh tikah, 'private number', 'blocked' asilole 'no caller ID' na kutput fon ah a lang men lai.