‘Au’aunaga mo e faileagaina i solitulafono i Vitoria – Gagana Samoa

O le Helpline faileagaina i solitulafono a le malo Setete o Vitoria, e maua fua atu ai faamatalaga, fautuaga ma le lagolagosua mo ‘oe ma lou aiga.

Helpline faileagaina i solitulafono

Tatala: 8am-11pm, 7 aso o le vaiaso
Vala’au: 1800 819 817
Text: 0427 767 891
Imeli: vsa@justice.vic.gov.au (External link)

Vala’au, text pe imeli le Helpline e:

  • te silafia ai auala e lipotia ai soligatulafono i leoleo
  • te silafia ai isi ‘au’aunaga e mafai ona fesoasoani atu ia te ‘oe
  • te mauaina ai faamatalaga i le faagaioiga o le matagaluega o faamasinoga i Vitoria
  • te maua ai se lagolagosua pe a mana’omia ona e molimau i se fale faamasino
  • te maua ai se fesoasoani i le faia o talosaga mo taui o faalavelave poo se tinoitupe – pe a mafai ona e talosaga iai
  • te silafia ai mea e mafai ona e faia mo le tausiga o le saogalemu o ‘oe ma lou aiga.

A faapea o lamatia lou saogalemu i le taimi lenei, vala’au leoleo i le Tolu 0 (000). E mafai foi ona e alu i se ofisa o leoleo.

Matou te fesoasoani i tagata i tulaga ‘ese’ese

I tausaga uma, matou te fesoasoani ai i le faitau afe o e faileagaina i solitulafono, ‘ese’ese o le matutua, itupa ‘ese’ese ma tagata e afua mai atunu’u ‘ese’ese.

E mafai ona matou fesoasoani atu tusa pe e te le mana’o e lipotia le soligatulafono i leoleo

E iai mafua’aga taua e ao ai ona logo leoleo pe a faia se soligatulafono. O le a latou aloa’ia lau ripoti ma taumafai e sa’ili le tagata na faia le soligatulafono. E mafai foi ona latou puipuia ‘oe.

A faapea e te le’i sauni e faia sau ripoti pe e te popole i se talanoaga ma leoleo, o le Helpline e:

  • talanoa atu ia te ‘oe ma malamalama i lou tulaga
  • sa’ilia ‘au’aunaga e fesoasoani atu ia te ‘oe , tusa pe te le mana’o e lipotia le soligatulafono
  • fesoasoani atu i se faatalanoaga ma leoleo, pe a e mana’o ai.

E mafai ona e fa’aaogaina se faamatala’upu

O le a faatulaga e le Helpline se faamatala’upu e le totogia pe a e mana’omia. E mafai foi ona e fai i seisi tagata e vala’au le Helpline mo sau faamatala’upu.

Mo se faamatala’upu:

  1. vala’au le Helpline i le 1800 819 817
  2. ta’u iai lou igoa, numera o lau telefoni ma lau gagana
  3. e toe vili mai le faamatala’upu ia te ‘oe.

A vili mai le faamatala’upu, e ono faailoa mai i lau telefoni fe’avea’i o se numera 'private number', 'blocked' poo se 'no caller ID'.